MATLAB i matematikk 1000.

I kurset Matematikk 1000 skal vi mellom anna implementere numeriske metodar. Til dette brukar vi MATLAB som verktøy. MATLAB kan brukast til mykje som har med numerikk (tal og slikt) og grafisk framstilling å gjere. Det er nokså brukarvenleg. Og for oss som studerer eller jobbar her på høgskluen, er det gratis; institutta spanderer.

I «førelesingane» fredagar vil vi gi ei lita innføring i dei mest elementære tinga vi kan bruke MATLAB til – ting vi vil bruke i matematikk-kurset.

Vi tar utgangspunkt i eit kompendium. Dette består av oppgåver som skal gjerast, ikkje lesast og ikkje dokumenterast. Vi har forsøkt å gjere ting så grunnleggande at det skal vere råd å få til for alle. Det er klart det er ein fordel å ha koda litt før, men det er absolutt ikkje noko krav. For dei som har lyst på litt større utfordringar, spør så skal de få litt meir å tygge på!

Vi kjem stort sett til å følgje eit nytt kapittel kvar veke. Om du opplever at det går for tregt, er det ingenting i vegen for å gå raskare fram. Om det går for fort, er det ingenting i veg for å be oss lærarar om hjelp!

Til alle oppgåvene er der detaljerte løysingsforslag; mesteparten av kompendiet består for det meste av løysingsforslag.

Vi legg opp til at de brukar eigen pc/Mac i kursa. Dei som ikkje har høve til å ha med eiga datamaskin, kan låne dette under MATLAB-førelesingane og rekneøvingane. Vi har dessverre ikkje høve til å låne ut maskinar ut over dette. Men MATLAB skal vere installert på dei fleste student-pc-ane på bygget.

Det er også råd å laste ned MATLAB på mobil og nettbrett. Men eg er usikker på om desse løysingane er funksjonelle nok til vårt bruk. Om du har erfaring med bruk av MATLAB på nettbrett, vil eg gjerne høyre frå deg!

Korleis du installerer MATLAB på di eiga maskin kan du lese her.

Om du skulle få problem med installeringa, ta kontakt med Sølve. Det er viktig å få dette på plass snarast.

Merk at dersom heile installasjonen tar litt stor plass, kan du trygt nøye deg med å laste ned berre «basic» MATLAB – det som står øvst på utvalsmenyen.

Nedanfor finn du lenker til diverse skript som vi kjem innom. Desse kan du kopiere og modifisere til eige bruk.

Kap 3: Plotting

FloOgFjaere.m Skript som lagar eit bestemt plott

Kap. 5: Skript

PlotteSkript.m Skript som plottar visse funksjonar

PlotteSkriptV2.m

ABCformelV1.m Nokså simpel, ukommentert versjon

ABCformel.m Kommentert, «idiotsikker» versjon

KursKonverteringV2.m

TypeTal.m Ukommentert

Kap. 6: for-løkker

FinnSum.m Ukommentert